अस्यश्री आदित्य हृदय स्तोत्र महा मंत्रस्य
अगस्त्यो भगवान ऋषिहि
अनुष्टुप छन्दः श्री सूर्यनारायनो देवता
निरस्ताशेष विग्न दया सर्वत्र जय सिध्यर्थे जापे विनियोगः
ध्यानम
जयति जयति सूर्य सप्त लोकैक दीपः
किरण मरुथीतथाप सर्वधुक्कस्य हर्ताा
अरुण किरण गमयश्चाधि रादित्य मूर्ति: परम परम दिव्यम् भास्करम्तम् नमामि
ततो युद्धपरिश्रान्तं समरे चिन्तया स्थितम् ।
रावणं चाग्रतो दृष्ट्वा युद्धाय समुपस्थितम् ॥1॥
दैवतैश्च समागम्य द्रष्टुमभ्यागतोरणम् ।
उपगम्याब्रवीद् राममगस्त्यो भगवान् ऋषि: ॥2॥
राम राम महाबाहो श्रृणु गुह्मं सनातनम् ।
येन सर्वानरीन् वत्स समरे विजयिष्यसि ॥3॥
आदित्य हृदयं पुण्यं सर्वशत्रुविनाशनम् ।
जयावहं जपेनित्यं अक्षय्यम परमं शिवम् ॥4॥
सर्वमंगलमागल्यं सर्वपापप्रणाशनम् ।
चिन्ताशोकप्रशमनम् आयुर्वर्धनमुत्तमम् ॥5॥
रश्मिमन्तं समुद्यन्तं देवासुरनमस्कृतम् ।
पुजयस्व विवस्वन्तं भास्करं भुवनेश्वरम् ॥6॥
सर्वदेवात्मको ह्येष तेजस्वी रश्मिभावन: ।
एष देवासुरगणांल्लोकान् पाति गभस्तिभि: ॥7॥
एष ब्रह्मा च विष्णुश्च शिव: स्कन्द: प्रजापति: ।
महेन्द्रो धनद: कालो यम: सोमो ह्यापां पतिः ॥8॥
पितरो वसव: साध्या ह्यश्विनौ मरुतो मनु: ।
वायुर्वह्निः प्रजाप्राणाः ऋतुकर्ता प्रभाकर: ॥9॥
आदित्य: सविता सूर्य: खग: पूषा गभस्तिमान् ।
सुवर्णसदृशो भानु: हिरण्यरेता दिवाकर: ॥10॥
हरिदश्व: सहस्त्रार्चि: सप्तसप्तिर्मरीचिमान् ।
तिमिरोन्मथन: शम्बू: स्त्वष्टा मार्ताण्ड अंशुमान् ॥11॥
हिरण्यगर्भ: शिशिरः स्तपनो भास्करो रवि: ।
अग्निगर्भोऽदिते पुत्रः शंखः शिशिरनाशन: ॥12॥
व्योमनाथस्तमोभेदी ऋग्यजु सामपारग: ।
घनवृष्टिरपां मित्रो विन्ध्यवीथीप्लवंगमः ॥13॥
आतपी मण्डली मृत्यु: पिगंल: सर्वतापन:।
कविर्विश्वो महातेजा: रक्त:सर्वभवोद् भव: ॥14॥
नक्षत्रग्रहताराणाम अधिपो विश्वभावन: ।
तेजसामपि तेजस्वी द्वादशात्मन् नमोऽस्तु ते ॥15॥
नम: पूर्वाय गिरये पश्चिमायाद्रये नम: ।
ज्योतिर्गणानां पतये दिनाधिपतये नम: ॥16॥
जयाय जयभद्राय हर्यश्वाय नमो नम: ।
नमो नम: सहस्त्रांशो आदित्याय नमो नम: ॥17॥
नम: उग्राय वीराय सारंगाय नमो नम: ।
नम: पद्मप्रबोधाय मार्ताण्डाय नमो नमः ॥18॥
ब्रह्मेशानाच्युतेशाय सुरायादित्यवर्चसे ।
भास्वते सर्वभक्षाय रौद्राय वपुषे नम: ॥19॥
तमोघ्नाय हिमघ्नाय शत्रुघ्नायामितात्मने ।
कृतघ्नघ्नाय देवाय ज्योतिषां पतये नम: ॥20॥
तप्तचामीकराभाय वह्नये विश्वकर्मणे ।
नमस्तमोऽभिनिघ्नाय रुचये लोकसाक्षिणे ॥21॥
नाशयत्येष वै भूतं थथेव सृजति प्रभु: ।
पायत्येष तपत्येष वर्षत्येष गभस्तिभि: ॥22॥
एष सुप्तेषु जागर्ति भूतेषु परिनिष्ठित: ।
एष एवाग्निहोत्रं च फलं चैवाग्निहोत्रिणाम् ॥23॥
वेदाश्च क्रतवश्चैव क्रतुनां फलमेव च ।
यानि कृत्यानि लोकेषु सर्व एष रविः प्रभुः ॥24॥
एनमापत्सु कृच्छ्रेषु कान्तारेषु भयेषु च ।
कीर्तयन् पुरुष: कश्चि: न्नावसीदति राघव ॥25॥
पूजयस्वैनमेकाग्र: देवदेवं जगप्ततिम् ।
एतत्त्रिगुणितं जप्त्वा युद्धेषु विजयिष्यसि ॥26॥
अस्मिन् क्षणे महाबाहो रावणं त्वं वधिष्यसि ।
एवमुक्त्वा तदागस्त्यो जगाम च यथागतम् ॥27॥
एतच्छ्रुत्वा (Etacchrutva) महातेजा नष्टशोकोऽभवत् तदा ।
धारयामास सुप्रीतो राघव: प्रयतात्मवान् ॥28॥
आदित्यं प्रेक्ष्य जप्त्वा तु परं हर्षमवाप्तवान् ।
त्रिराचम्य शूचिर्भूत्वा धनुरागाय वीर्यवान् ॥29॥
रावणं प्रेक्ष्य हृष्टात्मा युद्धाय समुपागमती ।
सर्वयत्नेन महता वधे तस्य धृतोऽभवत् ॥30॥
अथ रविरवदन्निरीक्ष्य रामं मुदितमना: परमं प्रहृष्यमाण: ।
निशिचरपतिसंक्षयं विदित्वा सुरगणमध्यगतो वचस्त्वरेति ॥31॥
भानु भास्कर मार्तान्ड चंद्र रश्मी दिवाकर: आयुरारोग्यं एैश्वर्यं पुत्रांश देहिमे तथा
No comments:
Post a Comment